ಬಾಳಿಲದಲ್ಲಿ ಎರಡು ಪಿಕಪ್ ವಾಹನ ಡಿಕ್ಕಿ: 600 ಲೀ. ಹಾಲು ರಸ್ತೆ ಪಾಲು

ಸುಳ್ಯ: ಬಾಳಿಲದಲ್ಲಿ ಹಾಲು ಸಾಗಿಸುತ್ತಿದ್ದ ಪಿಕಪ್ ವಾಹನಕ್ಕೆ ಎದುರುಗಡೆ ಬಂದ ಇನ್ನೊಂದು ಪಿಕಪ್ ವಾಹನ ಡಿಕ್ಕಿಯಾಗಿ ಹಾಲಿನ ವಾಹನ ಪಲ್ಟಿಯಾಗಿ ಹಾಲು ರಸ್ತೆ ಪಾಲಾದ ಘಟನೆ ಜೂನ್ 17 ರಂದು ನಡೆದಿದೆ.

ಪಿಕಪ್ ವಾಹನವು ಬೆಳ್ಳಾರೆ ಕಡೆಗಯಿಂದ 4 ಹಾಲಿನ ಸೊಸೈಟಿಗಳಲ್ಲಿ ಸಂಗ್ರಹವಾದ ಸುಮಾರು 600 ಲೀಟರ್ ಹಾಲು ತುಂಬಿದ್ದ 20 ಕ್ಯಾನ್‌ಗಳನ್ನು ತೆಗೆದುಕೊಂಡು ಬರುತ್ತಿದ್ದಾಗ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ.

ಈ ವೇಳೆ ವಾಹನ ಚಾಲಕ ಸಯ್ಯದ್ ಅಬ್ದುಲ್ ಚೆನ್ನಾವರ ಅವರು ಗಾಯಗೊಂಡಿದ್ದು, ತಕ್ಷಣ ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ.