By Suktha News 
ಬಂಟ್ವಾಳ: ತಾಲೂಕಿನ ಶ್ರೀ ನಿಟಿಲಾಕ್ಷ ಲಕ್ಷದೀಪೋತ್ಸವ ಸಮಿತಿ ಅಮ್ಟೂರು ಹಾಗೂ ಹರೇಕೃಷ್ಣ ಭಕ್ತವೃಂದ ಅಮ್ಟೂರು ಇವರ ಸಾರಥ್ಯದಲ್ಲಿ ಇದೀಗ ನವೀಕರಣಗೊಂಡ ಅಮ್ಟೂರಿನ ನಿಟಿಲಾಕ್ಷ ಸದಾಶಿವ ದೇವರ ನೂತನ ಕಟ್ಟೆಯಲ್ಲಿ, ಅಶ್ವಥ ಉದ್ಯಾಪನೆ -ಕಟ್ಟೆಪೂಜೆ – ಸಂಕೀರ್ತನೆ ನ.1 ರಂದು ಶನಿವಾರ ಬೆಳಿಗ್ಗೆ 5 ರಿಂದ ರಾತ್ರಿ 10 ರ ತನಕ ನಡೆಯಲಿದೆ.
ಆ ಪ್ರಯುಕ್ತ ದಿನಾಂಕ ಅ. 31 ರಂದು ಸಂಜೆ 5:30 ರಿಂದ ಪುಣ್ಯಹ ಪಂಚಗವ್ಯ, ವಾಸ್ತು ರಾಕ್ಷೋಘ್ನ ಹೋಮ, ವಾಸ್ತು ಪೂಜೆ ವಾಸ್ತು ಬಲಿ ವಾಯಶೋಚಿಷ್ಟಜ ಶಾಂತಿ ಹಾಗೂ ನ.1 ರಂದು ಬೆಳಿಗ್ಗೆ 5 ರಿಂದ ಆಧ್ಯ ಗಣಯಾಗ, ಅಶ್ವತ್ಥ ಉಧ್ಯಾಪನ ಕಲಶ ಪ್ರತಿಷ್ಠೆ ಸ್ವಸ್ತಿಕ ಪೂಜೆ, ಫಲ ಪಂಚಾಮೃತ ಅಭಿಷೇಕ ಅಶ್ವತ್ಥ ಕಲ್ಪೋಕ್ತ ಪೂಜೆ, ಮಧ್ಯಾಹ್ನ 12:30 ಕ್ಕೆ ಮಹಾಪೂಜೆ ನಡೆಯಲಿದೆ.
ಬೆಳಿಗ್ಗೆ ಸೂರ್ಯೋದಯದಿಂದ ರಾತ್ರಿ ಕಟ್ಟೆಪೂಜೆ ಸಂಪನ್ನದವರೆಗೆ ವಿವಿಧ ಊರ- ಪರವೂರ ಮಂಡಳಿಗಳಿಂದ ಭಜನಾ ಸಂಕೀರ್ತನೆ ನಡೆಯಲಿದ್ದು, ಆ ದಿನ ಬೆಳಿಗ್ಗೆ ಉಪಹಾರ, ಮಧ್ಯಾಹ್ನ ಹಾಗೂ ರಾತ್ರಿ ಸಾರ್ವಜನಿಕ ಅನ್ನ ಸಂತರ್ಪಣೆ ನೆರವೇರಲಿದೆ.
ಭಕ್ತ ಮಹಾಶಯರು ಬಂದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ದೇವಳಯದ ಆಡಳಿತ ಮಂಡಳಿ ಪ್ರಕಟಣೆಯಲ್ಲಿ ತಿಳಿಸಿದೆ.
