ಬಂಟ್ವಾಳ: ಅಮ್ಟಾಡಿಯಲ್ಲಿ ಗುಡ್ಡ ಕುಸಿತ! ಮನೆಗೆ ಭಾರೀ ಹಾನಿ

‌ಬಂಟ್ವಾಳ: ಗುಡ್ಡ ಕುಸಿದು ಮನೆಯೊಂದಕ್ಕೆ ಭಾರೀ ಹಾನಿಯಾದ ಘಟನೆ ಅಮ್ಟಾಡಿ ಗ್ರಾಮದ ತಲೆಂಬಿಲ ಎಂಬಲ್ಲಿ ಸಂಭವಿಸಿದೆ.

ಇಂದು ಮುಂಜಾನೆ ಸುಮಾರು 4 ಗಂಟೆಗೆ ಮಂಜಲ್‌ ಹೌಸ್‌, ಜೊಸ್ಸಿ ಮೆಲ್ವಿನ್‌ ವೇಗಸ್‌ ಅವರ ಮನೆಯ ಸಮೀಪದ ಗುಡ್ಡಕುಸಿದಿದ್ದು ಅದೃಷ್ಟವಶಾತ್‌ ಮನೆಮಂದಿ ಅಪಾಯದಿಂದ ಪಾರಾಗಿದ್ದಾರೆ. ಮನೆಯ 2 ಕೋಣೆಗಳನ್ನು ಮಣ್ಣು ಸಂಪೂರ್ಣವಾಗಿ ಆವರಿಸಿಕೊಂಡಿದ್ದು ಮನೆಯ ಪೀಠೋಪಕಣ, ಚಿನ್ನ, ಹಣ ಸೇರಿದಂತೆ ಸುಮಾರು 50 ಲಕ್ಷದಷ್ಟು ಬೆಲೆ ಬಾಳುವ ವಸ್ತುಗಳು ಮಣ್ಣುಪಾಲಾಗಿದೆ.

8 ವರ್ಷಗಳ ಹಿಂದೆಯಷ್ಟೇ ನಿರ್ಮಾಣ ಮಾಡಿರುವ ಮನೆ ಶೇ. 90ರಷ್ಟು ಹಾನಿಗೀಡಾಗಿದ್ದು ಸದ್ಯ ಈ ಮನೆಮಂದಿ ಬೇರೊಂದು ಮನೆಯಲ್ಲಿ ಆಶ್ರಯ ಪಡೆಯುತ್ತಿದ್ದಾರೆ. ಮನೆಯಲ್ಲಿದ್ದ ವಸ್ತುಗಳನ್ನು ಸಂತ್ರಸ್ತರ ಸಹೋದರನ ಮನೆಗೆ ಶಿಫ್ಟ್ ಮಾಡಲಾಗಿದೆ.

ಘಟನೆಯ ಬಗ್ಗೆ ವಿಚಾರ ತಿಳಿದು ನೆರೆ ಹೊರೆಯವರು ಇವರ ಸಹಾಯಕ್ಕೆ ಬಂದಿದ್ದು ಪಂಚಾಯತ್ ಅಧ್ಯಕ್ಷರು, ಸದಸ್ಯರು, ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

‌